Sýndarbirta og reyndarbirta stjarna:
Birta stjarna á himinhvolfinu er tjáð sýndarbirtustigum og reyndarbirtustigum. Birtustigskvarðinn á rætur að rekja til gríska stjörnufræðingsins Hipparkosar. Hann skipti stjörnunum í sex flokka þannig að björtustu stjörnurnar voru í fyrsta flokki en daufustu í sjötta flokki. Á 19. öld þróuðu stjörnufræðingar betri aðferðir til að mæla ljós frá stjörnum. Mælingarnar sýndu að stjarna af fyrsta birtustigi var um hundrað sinnum bjartari en stjarna af sjötta birtustigi. Með öðrum orðum þyrfti hundrað stjörnur af sjötta birtustigi til að gefa jafn mikið ljós og stjarna af fyrsta birtustigi. Þar sem birtuskynjun augans vex og dvínar varð birtustigskvarðinn sömuleiðis. Birtustigskvarðinn er öfugur. Því bjartari sem stjarnan er, því lægra er birtustig hennar; því daufari sem stjarnan er, því hærra er birtustig hennar. Björtustu stjörnurnar hafa neikvætt birtustig (-) en daufustu stjörnurnar jákvætt birtustig (+). Sýndarbirtustig segir til um hve björt stjarnan sýnist á himinhvolfinu. Sýndarbirtustigið er háð ljósafli stjörnunnar, fjarlægð frá jörðu og ljósbroti í lofthjúpi jarðar. Þannig sýnist stjarnan Síríus bjartari en Pólstjarnan vegna þess að sú fyrrnefnda er miklu nær okkur en sú síðarnefnda (8,6 ljósár á móti 430 ljósárum). Reyndarbirtustig segir til um hvert sýndarbirtustig stjörnu væri í 32,6 ljósára fjarlægð eða 10 parsek í burtu. Reyndarbirtustigið er þannig beintengt við ljósafl stjörnunnar og óháð raunverulegri fjarlægð hennar. Reyndarbirtustig Pólstjörnunnar er -4,5 en Síríusar +1,4. Pólstjarnan er því í rauninni 250 sinnum bjartari en Síríus, en sýnist daufari vegna mikillar fjarlægðar. Sýndarbirtustig sólar er -26,7 en reyndarbirta hennar aðeins +4,83. Reyndarbirta stjarna er mjög mismunandi enda háð ljósafli. Reyndarbirtustig daufustu stjarnanna er í kringum +15 en meira en -10 hjá þeim björtustu.
Birta stjarna á himinhvolfinu er tjáð sýndarbirtustigum og reyndarbirtustigum. Birtustigskvarðinn á rætur að rekja til gríska stjörnufræðingsins Hipparkosar. Hann skipti stjörnunum í sex flokka þannig að björtustu stjörnurnar voru í fyrsta flokki en daufustu í sjötta flokki. Á 19. öld þróuðu stjörnufræðingar betri aðferðir til að mæla ljós frá stjörnum. Mælingarnar sýndu að stjarna af fyrsta birtustigi var um hundrað sinnum bjartari en stjarna af sjötta birtustigi. Með öðrum orðum þyrfti hundrað stjörnur af sjötta birtustigi til að gefa jafn mikið ljós og stjarna af fyrsta birtustigi. Þar sem birtuskynjun augans vex og dvínar varð birtustigskvarðinn sömuleiðis. Birtustigskvarðinn er öfugur. Því bjartari sem stjarnan er, því lægra er birtustig hennar; því daufari sem stjarnan er, því hærra er birtustig hennar. Björtustu stjörnurnar hafa neikvætt birtustig (-) en daufustu stjörnurnar jákvætt birtustig (+). Sýndarbirtustig segir til um hve björt stjarnan sýnist á himinhvolfinu. Sýndarbirtustigið er háð ljósafli stjörnunnar, fjarlægð frá jörðu og ljósbroti í lofthjúpi jarðar. Þannig sýnist stjarnan Síríus bjartari en Pólstjarnan vegna þess að sú fyrrnefnda er miklu nær okkur en sú síðarnefnda (8,6 ljósár á móti 430 ljósárum). Reyndarbirtustig segir til um hvert sýndarbirtustig stjörnu væri í 32,6 ljósára fjarlægð eða 10 parsek í burtu. Reyndarbirtustigið er þannig beintengt við ljósafl stjörnunnar og óháð raunverulegri fjarlægð hennar. Reyndarbirtustig Pólstjörnunnar er -4,5 en Síríusar +1,4. Pólstjarnan er því í rauninni 250 sinnum bjartari en Síríus, en sýnist daufari vegna mikillar fjarlægðar. Sýndarbirtustig sólar er -26,7 en reyndarbirta hennar aðeins +4,83. Reyndarbirta stjarna er mjög mismunandi enda háð ljósafli. Reyndarbirtustig daufustu stjarnanna er í kringum +15 en meira en -10 hjá þeim björtustu.